ՏԵՍԱՆՅՈՒԹ. Դեռ որևէ քաղաքական ուժ հայտ չի ներկայացրել. Երևանի ավագանու ընտրությունների առաջադրումը սկսված է

Սեպտեմբերի 17-ին նշանակված Երեւանի ավագանու ընտրություններին մասնակցության առաջադրումներն այսօրվանից սկսվել են, այս պահի դրությամբ դեռ որևէ ուժ հայտ չի ներկայացրել:  Այս մասին այսօր ասուլիսի ժամանակ հայտարարել է ԿԸՀ նախագահ Վահագն Հովակիմյանը: 

«Ավանդույթի համաձայն` մեր քաղաքական ուժերը չեն շտապում և սովորաբար առաջադրման փաստաթղթերը ներկայացնում են ժամկետի ավարտին մոտ` ժամկետի նախավերջին օրը, իսկ հիմնական աժիոտաժը սկսվում է վերջին օրը»,- նշել է նա: 
 

Վահագն Հովակիմյանն ուշագրավ թվեր հրապարակեց: Ըստ այդմ, Երեւանի ավագանու սեպտեմբերի 17-ի ընտրություններին ընտրողների քանակը հուլիսի 14-ի դրությամբ կազմել է 823 559: Նախորդ ընտրություններում ՝2018-ի սեպտեմբերի 23-ին, այդ թիվը եղել է 848 հազար: Ի սկզբանե հրապարակված թիվը եղել է 853 հազար, բայց արդեն սեպտեմբերի 23-ի դրությամբ, քվեարկության օրը, ընտրական ցուցակներում Երեւանի ընտրողների թիվը եղել է 848 հազարից մի փոքր ավելի: 

«Այսինքն` անցած 5 տարիներին ընտրողների թիվը նվազել է»,- հայտարարել է Վահագն Հովակիմյանը՝ բացատրելով պատճառը՝ 2021-ի Ընտրական օրենսգրքի փոփոխություններով, ընտրական ցուցակից հանվում էին այն քաղաքացիների տվյալները, որոնք 6 ամիս եւ ավելի ժամկետանց փաստաթղթեր ունեին:
 

Մանրամասները` տեսանյութում: