Ռուսական հարձակման հետևանքով 40 հազար տոննա ցորեն է ոչնչացվել․ Ուկրաինայի փոխվարչապետ
«Այսօր առավոտյան տեղի ունեցած ռուսական ԱԹՍ-ների հարձակման հետևանքով 40 հազար տոննա հացահատիկ է ոչնչացվել»։ Այս մասին Twitter-ի իր միկրոբլոկում գրել է Ուկրաինայի փոխվարչապետ Ալեքսանդր Կուբրակովը և լուսանկարներ հրապարակել։
Պաշտոնյայի խոսքով՝ պահեստների և էլեվատորների վրա հարձակման հետևանքով ոչնչացված ցորենը նախատեսված էր աֆրիկյան մի շարք պետություններ, ինչպես նաև Իսրայել և Չինաստան արտահանման համար։
Reuters գործակալության տեղեկություններով՝ հարձակման հետևանքով հացահատիկի գինը միջազգային շուկայում աճել է շուրջ հինգ տոկոսով։
