ՏԵՍԱՆՅՈՒԹ․ Ռուսական Տագանրոգում ԱԹՍ է ընկել․ հարվածի ժամանակ եղել է պայթյուն, ապա՝ հրդեհ

ՌԴ Ռոստովի մարզի Տագանրոգ քաղաքի մոտ անօդաչու թռչող սարք է ընկել։ Այս մասին հայտնում է Kommersant.ru-ն։

Ռոստովի մարզի ղեկավար Վասիլի Գոլուբեւը հայտնել է, որ Դարագանովկա ֆերմայում անօդաչու թռչող սարքի ընկնելու հետևանքով վնասվել են սեփական տան տանիքը և ավտոմեքենա։ Տուժածներ, ըստ մարզպետի, «դեռ չեն արձանագրվել»։ Տեղում աշխատում են ՊՆ մասնագետները։
 

Նշվում է, որ պարզվում է անօդաչու թռչող սարքի պատկանելությունը։ 161.ru-ի փոխանցմամբ՝ հարվածի ժամանակ առանձնատանը պայթյուն և հրդեհ է տեղի ունեցել։ Հրապարակման աղբյուրը հայտնել է, որ հրդեհը մարելիս մեկ կին այրվածքներ է ստացել։ Baza Telegram ալիքը պնդում է, որ երկու մարդ վիրավորվել է։ Տեղի բնակիչներից մեկը Beware the News-ին պատմել է, որ անօդաչու թռչող սարքի կործանումից հետո հրշեջները մարել են կրակը: