ՏԵՍԱՆՅՈՒԹ․ Հրապարակվել է Տագանրոգի հրթիռակոծման պահը․ կան տուժածներ
Սոցցանցերում տեսանյութ է պտտվում, որում ենթադրաբար պատկերված է հուլիսի 28-ին Տագանրոգում հրթիռի ընկնելու պահը։ Այս մասին գրում է Kommersant-ը։
Ինչպես երևում է ներկայացված կադրերից, տեսաձայնագրությունը կատարվել է մեքենայի տեսաձայնագրիչով։
Կրեմլի խոսնակ Դմիտրի Պեսկովը հայտնել է, որ այս պահին ՌԴ նախագահ Վլադիմիր Պուտինը տեղեկացված է Տագանրոգի վրա հրթիռային հարձակման մասին։
Ավելի վաղ ՌԴ պաշտպանության նախարարությունը հայտարարել էր, որ քաղաքի տարածքում Ուկրաինայից արձակված հրթիռը խոցվել է ՀՕՊ համակարգերի կողմից, բեկորներն ընկել են քաղաքի ներսում։ Առողջապահության նախարարությունը հայտնել է 14 տուժածի մասին։ Պաշտպանության նախարարությունը հայտարարել է նաեւ Ազով քաղաքի մոտ հրթիռի ոչնչացման մասին։
