Ուկրաինայի Դնեպրոպետրովսկի մարզում հրթիռային հարվածի հետևանքով ավերվել է երկրի անվտանգության ծառայության շենքը։

Երկրի նախագահ Վլադիմիր Զելենսկին ասել է, որ Դնեպրում կրակի տակ են հայտնվել ՈՒԱԾ-ի շենքը և ևս մի բարձրահարկ շենք։

«Մենք ամեն ինչ կանենք, որ Ռուսաստանը լիակատար պատժի ենթարկվի մեր ժողովրդի դեմ ագրեսիայի և ահաբեկչության համար։ Այս սրիկան պատասխան կտա։ Մենք ամեն ինչ կանենք հանուն արդարության»,- ասել է Ուկրաինայի նախագահը։ 

Ավելի վաղ ռուս զինվորական թղթակիցները Telegram ալիքներում գրել էին Դնեպրում ՈՒԱԾ-ի շենքին հասցված հարվածի մասին։