ՏԵՍԱՆՅՈՒԹ. Կրիվոյ Ռոգի վրա ռուսական հրթիռային հարձակման հետևանքով զոհերի և վիրավորների թիվը աճել է
Կրիվոյ Ռոգի վրա ռուսական հրթիռային հարձակման հետևանքով զոհերի թիվը հասել է 6-ի: Այս մասին հայտարարել է Դնեպրոպետրովսկի շրջանային վարչակազմի ղեկավար Սերխի Լիսակը։
Մահացածների թվում կա 10-ամյա աղջիկ. Ուկրաինայի նախագահ Վլադիմիր Զելենսկու խոսքով՝ երեխայի մայրը նույնպես մահացել է։
Լիսակը նաև հայտնել է, որ տուժել է 75 մարդ, այդ թվում՝ վեց երեխա։ 22 տուժած շարունակում է մնալ հիվանդանոցներում, նրանցից երկուսի վիճակը ծանր է։
Զելենսկին ասել է, որ քաղաքում փրկարարական գործողությունը շարունակվում է։ Նրա խոսքով՝ քաղաքը խոցվել է երկու բալիստիկ հրթիռով։
«Աշխատանքը բարդ է՝ շենքի ավերված մուտքի մեջ կառույցի մասեր են ընկել։ Ահաբեկիչները թիրախ են դարձրել նաև համալսարանի շենքը և վարչական շենքը»,- գրել է Ուկրաինայի նախագահը Telegram-ի իր ալիքում։ Նա մանրամասնել է, որ փրկարարական աշխատանքներին ներգրավվել է ավելի քան 350 մարդ։
