ՏԵՍԱՆՅՈՒԹ․ Ուկրաինայի ԶՈւ-ն անօդաչու թռչող սարքերով փորձել է գրոհել Մոսկվայի և Ղրիմի վրա. ՌԴ ՊՆ
Կիևը այսօր վաղ առավոտյան փորձել է երեք անօդաչու թռչող սարքերով հարձակում է իրականացնել Մոսկվայի օբյեկտների ուղղությամբ, հայտնում է ՌԴ պաշտպանության նախարարությունը:
«Հուլիսի 30-ի առավոտյան կանխվել է Կիևի ռեժիմի կողմից անօդաչու թռչող սարքերով Մոսկվա քաղաքի օբյեկտների ուղղությամբ ահաբեկչական հարձակման փորձը։ Մոսկվայի մարզի Օդինցովոյի շրջանի տարածքում հակաօդային պաշտպանության միջոցներով օդում ոչնչացվել է ուկրաինական մեկ ԱԹՍ։ Եվս երկու անօդաչու սարք ճնշվել են ռադիոԷլեկտրոնային պայքարի միջոցներով և, կորցնելով կառավարումը, վթարի են ենթարկվել Մոսկվա-Սիթիի ոչ բնակելի շենքերի համալիրի տարածքում», - ասել են ՊՆ-ից ։
Ավելի վաղ Մոսկվայի քաղաքապետ Սերգեյ Սոբյանինը հայտնել էր, որ ուկրաինական անօդաչուների հարձակման հետևանքով աննշան վնասվել են համալիրի երկու գրասենյակային աշտարակների ճակատները, զոհեր և տուժածներ չկան: Մոսկվա-Սիթի թաղամասում Տեստովսկայա փողոցի երթևեկությունը փակ է, վթարի վայրում աշխատում են արտակարգ ծառայությունները:
Բացի այդ, հայտնում է ՌԴ ՊՆ-ն, Կիևը կազմակերպել է 25 անօդաչու թռչող սարքերի հարձակում Ղրիմի օբյեկտների վրա: Գերատեսչությունում հստակեցրել են, որ 16 ուկրաինական ԱԹՍ ոչնչացվել Է ՀՕՊ միջոցների կրակով, ևս 9 ԱԹՍ ճնշվել է ռադիոէլեկտրոնային պայքարի միջոցներով և նպատակին չհասնելով ՝ կործանվել են Սև ծովի ջրատարածքում և Թարխանկուտ հրվանդանում:
Նշվում է, որ տուժածներ չկան:
