Հունաստանի ՊՆ-ն սխալմամբ հրապարակել է գաղտնի քարտեզների լուսանկար
Հունաստանի ազգային պաշտպանության նախարարությունը սխալմամբ հրապարակել է փոխնախարար Նիկոս Հարդալիասի կողմից հետազոտված գաղտնի ռազմական քարտեզների լուսանկարները։ Այս մասին կիրակի՝ հուլիսի 30-ին, հայտնել է տեղական Antitheto պորտալը։
Հունաստանի ռազմաօդային ուժերի ճամբարի տարածքում գտնվող զինամթերքի պահեստում հրդեհ բռնկվելուց հետո Ազգային պաշտպանության նախարարությունը սկսել է երկրի զորամասերում հրդեհային անվտանգության միջոցառումների ստուգումները։
Օբյեկտներից մեկի զննության ժամանակ Հունաստանի պաշտպանության նախարարությունը հրապարակել է լուսանկար, որում Հարդալիասը դիտարկում է ճամբարի պլանը և դրանով իսկ բացահայտել ռազմական գաղտնի քարտեզը, պարզաբանում է պորտալը։
Դեպքից հետո ՊՆ-ն դադարեցրել է ստուգումները։
