ՏԵՍԱՆՅՈՒԹ․ ՌԴ-ն հրթիռակոծել է Սումիի ուսումնական հաստատությունը․ կան զոհեր և վիրավորներ
Վերջին տվյալներով՝ Ուկրաինայի Սումի քաղաքի վրա հրթիռակոծության հետևանքով զոհվել է երկու մարդ, վիրավորվել՝ 20-ը, հայտնել են քաղաքային խորհուրդից։ Երեք տուժած հոսպիտալացվել է միջին ծանրության վիճակում։
Հուլիսի 29-ի երեկոյան ռուսական զորքերը հրթիռային հարված են հասցրել Սումիում գտնվող ուսումնական հաստատության քառահարկ շենքի վրա, հայտնում է Ուկրաինայի ՆԳՆ-ն։
Քաղաքային իշխանությունների տվյալներով՝ վնասվել և ավերվել են կրթական շենքեր և երկու հանրակացարան։
Ուկրաինայի արտակարգ իրավիճակների պետական ծառայությունը հայտնել է, որ ուսումնական հաստատությունում հրդեհ է բռնկվել Սումիի վրա հրթիռային հարձակման պատճառով։
