Պուտինը տեղեկացվել է Մոսկվայի վրա ուկրաինական անօդաչու թռչող սարքերի հարձակման մասին․ Պեսկով
Ռուսաստանի նախագահ Վլադիմիր Պուտինը տեղեկացվել է Մոսկվայի շրջանի վրա ուկրաինական անօդաչու թռչող սարքերի հարձակման մասին։ Այս մասին ՏԱՍՍ-ին հայտնել է պետության ղեկավարի մամուլի քարտուղար Դմիտրի Պեսկովը։
«Իհարկե», - ասել է Պեսկովը գործակալությանը պատասխանելով այն հարցին, թե արդյոք Պուտինը զեկույց ստացե՞լ է տեղի ունեցածի մասին:
Հուլիսի 30-ի առավոտյան ՌԴ պաշտպանության նախարարությունը հայտնել է, որ Ուկրաինայի զինված ուժերը երեք անօդաչու սարքերով փորձում են գրոհել Մոսկվայի վրա։ Գերատեսչությունից հայտնել են, որ Մոսկվայի մարզի Օդինցովոյի շրջանի տարածքում հակաօդային պաշտպանության համակարգերի կողմից օդում ոչնչացվել է մեկ ուկրաինական անօդաչու թռչող սարք, ևս երկուսը ճնշվել են էլեկտրոնային պատերազմի միջոցով, դրանք կործանվել են Մոսկվայի տարածքում։
