ՏԵՍԱՆՅՈՒԹ․ Թուրքիայում չի հաջողվում մարել անտառային հրդեհները

Արդեն մի քանի օր է, ինչ չի հաջողվում մարել Թուրքիայի՝ առաջատար տուրիստական շրջաններից մեկի Անթալիա նահանգի Քեմեր քաղաքին հարակից անտառային տարածքներում բռնկված հրդեհը։ Այս մասին հայտնում է Ermenihaber.am-ը։

Հրդեհաշիջման աշխատանքները կատարվում են և՛ ցամաքային, և՛ օդային ճանապարհով, բայց տարածքի զառիթափ ռելիեֆը դժվարացնում է ցամաքով տարվող աշխատանքները։ Հրդեհը մարելու համար հրշեջներն աշխատում են գիշեր-ցերեկ՝ ընդհանուր առմամբ կիրառվել է 4 ինքնաթիռ և 20 ուղղաթիռ, ինչպես նաև  գիշերային տեսանելիության սարք ունեցող ուղղաթիռներ։

Դեպքի վայրում տարվող աշխատանքների մասին տեղեկաղցրել է Թուրքիայի անտառային տնտեսության գլխավոր տնօրեն Բեքիր Քարաջաբեյը։ Նա մասնավարապես հայտնել է, որ 4 օրվա ընթացքում  կատարվել է 1963 թռիչք՝ 431 ժամ տևողությամբ և ծախսվել  է 7230 տոննա ջուր։ Հրշեջները անդադար աշխատում են, որպեսզի կարողանան ցամաքային և օդային ճանապարհով  մարել կրակը։