ՏԵՍԱՆՅՈՒԹ․ Ազովի շրջանում հերթական հրթիռն է խոցվել․ ՌԴ
Ռուսաստանի Ռոստովի մարզում ՀՕՊ-ի կողմից հերթական հրթիռն է խոցվել, այս անգամ՝ Ազովի շրջանում։ Այս մասին գրում է rbc-ն։
Ռոստովի մարզի նահանգապետ Գոլուբևը հայտարարել է Ռոստովի մարզում հակաօդային պաշտպանության ուժերի կողմից երկրորդ խոցված հրթիռի մասին։
«Երկրորդ հրթիռը խոցվել է հակաօդային պաշտպանության համակարգերի կողմից, այս անգամ Ազովի շրջանում։ Հետևանքները ճշտվում են»,- գրել է նահանգապետը։
Հիշեցնենք՝ ավելի վաղ հայտնել էինք, որ Ռոստովի մարզի քաղաք Տագանրոգում ուժեղ պայթյուն է որոտացել։ Հայտնի է, որ պայթյունի պատճառը հրթիռային հարձակումն է եղել։
