Պուտինը հրաժարվում է Էրդողանի հետ հացահատիկի գործարքի շուրջ բանակցություններից․ WSJ
Ռուսաստանի նախագահ Վլադիմիր Պուտինն անտեսել է Թուրքիայի նախագահ Ռեջեփ Թայիփ Էրդողանի խնդրանքը՝ քննարկել հացահատիկի գործարքի վերականգնման հարցը։ Այս մասին գրում է The Wall Street Journal-ը՝ վկայակոչելով դիվանագիտական աղբյուրները։
Նրանց խոսքով՝ հեռախոսազրույցը, որը պնդել է Թուրքիայի ղեկավարը, դեռ չի կայացել։ Թուրք պաշտոնյաները շարունակում են դիմել երկխոսության այլ ուղիների:
Նախկին ավագ դիվանագետ Գյուլրու Գեզերը, ով աշխատում էր Մոսկվայում Թուրքիայի դեսպանատանը, ասել է, որ չի կարծում, թե «Պուտինը նախկինի պես չի վստահում Էրդողանին»։
Նրա կարծիքով՝ ռուսական կողմը և հատկապես Կրեմլը «կասկածի տակ են դնում Թուրքիայի նախագահի մտածելակերպը»։ Գեզերը նաև արտասովոր է անվանել այն, որ Ռուսաստանի ղեկավարը «չի պատասխանում (օտարերկրյա պետությունների ղեկավարների) զանգերին»:
Ավելի վաղ Էրդողանը հույս էր հայտնել, որ այդ հարցը մանրամասն կքննարկի Պուտինի հետ և կապահովի հացահատիկի գործարքի շարունակությունը։
Մինչ այս ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին ասել էր, որ Ռուսաստանը կվերադառնա հացահատիկի գործարքին, հենց որ Արեւմուտքը կատարի յոթ պայման։
Ավելի վաղ Եվրամիությունը պահանջել էր վերսկսել հացահատիկի գործարքը։
