Մեծ Բրիտանիայի դեսպանատունը՝ Լաչինի միջանցքի արգելափակման մասին
ՀՀ-ում Միացյալ Թագավորության դեսպանատունը հաղորդագրություն է տարածել, որում անդրադարձել է Լաչինի միջանցքի շուրջ ստեղծված իրավիճակին։
«Մենք վերահաստատում ենք մեր աջակցությունը Արդարադատության միջազգային դատարանի 2023 թ․ փետրվարի որոշմանը, որպեսզի Ադրբեջանն ապահովի Լաչինի միջանցքով երկկողմանի անխոչընդոտ տեղաշարժը»,- ասված է ՀՀ-ում Բրիտանիայի դեսպանատան հաղորդագրության մեջ։
Բրիտանական դեսպանատան քաղաքական և մամուլի հարցերով բաժնի ղեկավար Քրիս Փերքինսն այսօր միացել էր դիվանագիտական կորպուսի ներկայացուցիչներին՝ ՀՀ Կառավարության նախաձեռնությամբ այցելելու Սյունիք։
