Ցուցադրաբար բեռնատարներ Լաչինի անցակետ ուղարկելու փոխարեն Հայաստանը պետք է դադարեցնի Ադրբեջանի նկատմամբ տարածքային պահանջները. Հաջիև
Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը ԵՄ երկրների, Թուրքիայի, ԱՄՆ-ի, Շվեյցարիայի դեսպանների մասնակցությամբ հանդիպումից հետո թվիթերյան իր էջում անդրադարձել է Ստեփանակերտ հումանիտար բեռի ուղարկմանը։
«Թատրոնի տեսարանների և բեռնատարներ Լաչինի անցակետ ուղարկելու փոխարեն՝ Հայաստանը պետք է դադարեցնի Ադրբեջանի նկատմամբ տարածքային պահանջները»,- ասել է Հիքմեթ Հաջիևը՝ նշելով, թե Հայաստանը պետք է դուրս բերի «իր ուժերի տարրերն Ադրբեջանի Ղարաբաղի շրջանից ու դադարեցնի ապօրինի խամաճիկ ռեժիմի ֆինանսավորումը»։
Ալիևի օգնականը նաև նշել է, թե «անհրաժեշտ է ապահովել Ղարաբաղում բոլոր անօրինական ուժերի զինաթափումը»։
