Էրդողանը խախտել է Ռուսաստանի նկատմամբ ստանձնած պարտավորությունները. Պետդումայի փոխխոսնակ
ՌԴ Պետդումայի փոխխոսնակ Պյոտր Տոլստոյը հարցազրույց է տվել իրանական Tasnim լրատվականին։ Փոխխոսնակն ասել է, որ Թուրքիայի նախագահ Ռեջեփ Թայիփ Էրդողանը խախտել է Ռուսաստանի նկատմամբ ստանձնած պարտավորությունները։
Ըստ Տոլստոյի՝ Ռուսաստանի նախագահ Վլադիմիր Պուտինը միշտ կատարել է իր պարտավորությունները Թուրքիայի հանդեպ և հուսով է, որ նույնը կանեն նաև Ռուսաստանի գործընկերները, սակայն Էրդողանը խախտել է իր պարտավորությունները Ռուսաստանի հանդեպ:
Մեկնաբանելով ՆԱՏՕ-ին Ուկրաինայի անդամակցության վերաբերյալ Թուրքիայի դիրքորոշումը՝ Պետդումայի փոխնախագահն նշել է, որ Ռուսաստանը չի կարող դրականորեն ընդունել դա։
«Վլադիմիր Զելենսկին ինքը կարող է անդամակցել ՆԱՏՕ-ին, բայց առանց Ուկրաինայի»,- հավելել է նա։
Ավելի վաղ Էրդողանը հայտարարել էր, որ Ուկրաինան արժանի է դառնալ ՆԱՏՕ-ի անդամ։
Նա նաև անդրադարձել է Իրանի և Սաուդյան Արաբիայի միջև կապերը վերականգնելու վերաբերյալ վերջերս ձեռք բերված պայմանավորվածության մասին հարցին՝ Տոլստոյն ասել է.
«Մենք շատ գոհ ենք, որ նման համաձայնություն է ձեռք բերվել։ Մենք լավ հարաբերություններ ունենք ինչպես Իրանի, այնպես էլ Սաուդյան Արաբիայի հետ»։
