Արցախ ուղարկվածը 1-2 օրվա սպառման սնունդ է․ ԱՍՀ փոխնախարարի տեղակալ

Այսօր Լեռնային Ղարաբաղ ուղարկվող ամբողջ խմբաքանակը 1-2 օրվա սպառման սնունդ է, իհարկե, սա բավարար չէ, սակայն շատ անհրաժեշտ է առնվազն այս պահին օր առաջ հասցնել Լեռնային Ղարաբաղ։ Այս մասին Հանրայինի «Լուրերին» հայտնել է Աշխատանքի և սոցիալական հարցերի նախարարի տեղակալ Աննա Ժամկոչյանը:

Ուղարկվող 19 բեռնատարներում 60 տոննա շաքարավազ է, 40 տոննա ձեթ, 100 տոննա ալյուր, 80 տոննա մակարոնեղեն, 20 տոննա աղ, 40 տոննա կաթի փոշի, 12 տոննա մանկական սնունդ և 9 տոննա դեղորայք:

«Ինչպես տեսնում եք, սրանք ամենաանհրաժեշտ կենսական պարենի տեսակներն են: Ընդհանուր առմամբ, իրականում այս ամբողջ խմբաքանակը 1-2 օրվա սպառման սնունդ է: Իհարկե, սա բավարար չէ, սակայն շատ անհրաժեշտ է առնվազն այս պահին օր առաջ հասցնել Լեռնային Ղարաբաղ»,- ասել է նախարարի տեղակալը:

Հիշեցնենք՝ այսօր ՀՀ կառավարությունը հումանիտար օգնություն է ուղարկել Արցախ։

Մանրամասները՝ սկզբնաղբյուր կայքում։