ՏԵՍԱՆՅՈՒԹ․ Ռուսական կործանիչը Սիրիայում ամերիկյան դրոն է խոցել․ ամերիկացի հրամանատար
Սիրիայի երկնքում ռուսական կործանիչը խոցել է ամերիկյան անօդաչու թռչող սարք։ Այս մասին հայտարարել է ԱՄՆ-ի իններորդ ռազմաօդային ուժերի հրամանատար, գեներալ-լեյտենանտ Ալեքսուս Գրինկևիչը։
«2023 թվականի հուլիսի 23-ին ․․․ ռուսական կործանիչը վտանգավոր մոտեցել է ամերիկյան MQ-9 անօդաչու թռչող սարքին ․․․ արձակելով լուսային հրթիռներ ․․․ Ռուսական հրթիռներից մեկը խոցել է ամերիկյան MQ-9-ը` լրջորեն վնասելով դրա շարժիչը»,- ասվում է Գրինկևիչի հայտարարության մեջ, որը մեջբերում է ԱՄՆ ռազմաօդային ուժերի գլխավոր կենտրոնը:
Նշվում է, որ անօդաչու թռչող սարքը վերադարձվել է ԱՄՆ բանակի բազա։
