Նա քաղբանտարկյալ է․ Նավալնին՝ ԱԴԾ նախկին սպա Իգոր Ստրելկովի մասին

Ռուս քաղաքական գործիչ Ալեքսեյ Նավալնին հայտարարել է, որ Անվտանգության դաշնային ծառայության նախկին սպա Իգոր Ստրելկովի ձերբակալությունն անօրինական է համարում: 

«Քանի դեռ նա կալանքի տակ է մնում՝ այս անհեթեթ և ակնհայտ քաղաքական դրդապատճառներով մեղադրանքի համար, նա քաղաքական բանտարկյալ է», - հայտարարել է Նավալնին: 

Նրա խոսքով ՝ Ստրելկովին ձերբակալել են ոչ թե 2014 թվականի հուլիսին՝ Դոնեցկի մարզում մալայզիական «Բոինգի» կործանման մեղադրանքով, այլ «ծայրահեղականության մասին մտացածին եւ շինծու գործով»: 

Հիշեցնենք՝ Մոսկվայում ձերբակալվել է ազգայնական Ստրելկով Գիրկինին, որը ՌԴ նախագահ Վլադիմիր Պուտինին հրապարակավ քննադատել էր՝ Ուկրաինայում «հատուկ ռազմական օպերացիան» ոչ արդյունավետ իրականացնելու և նպատակներին չհասնելու համար: Գիրկինին ներկայացրել են ծայրահեղական կոչեր հնչեցնելու մեղադրանք, որով նա կարող է դատապարտվել ընդհուպ 5 տարվա ազատազրկման: