«Մենք պետք է պաշտպանենք Օդեսան»․ Զելենսկին Սունակի հետ քննարկել է Ուկրաինայի ՀՕՊ-ի ուժեղացման հարցը
Ուկրաինան հակաօդային պաշտպանության շտապ ուժեղացման կարիք ունի ՝ պատմական ժառանգությունը պաշտպանելու և Սևծովյան հացահատիկային նախաձեռնությունը շարունակելու համար: Այս մասին Մեծ Բրիտանիայի վարչապետ Ռիշի Սունակի հետ զրույցում ասել է Ուկրաինայի նախագահ Վլադիմիր Զելենսկին։
Զելենսկին պատմել է Օդեսայի պատմական կենտրոնն ու նավահանգստային ենթակառուցվածքը ոչնչացնելու Ռուսաստանի ամենօրյա փորձերը։
«Մենք պետք է պաշտպանենք Օդեսան: Ռիշի Սունակի հետ մենք նշել ենք Վիլնյուսի ՆԱՏՕ-ի գագաթնաժողովում Ուկրաինային աջակցության մասին համատեղ հռչակագրի ընդունումը և դրան այլ երկրների հետագա միացումը»,-ասել է նա:
