ՄԱԿ-ի անդրադարձը՝ Մոսկվայի վրա ԱԹՍ-ներով հարձակմանը և ռուս ռազմական թղթակցի սպանությանը
ՄԱԿ-ի գլխավոր քարտուղարի խոսնակի տեղակալ Ֆարհան Հակը ասել է, որ միջազգային կազմակերպությունը դեմ է հարձակմանը, որի հետևանքով զոհվել է ռուս ռազմական թղթակից Ռոստիսլավ Ժուրավլևը: Այս մասին հայտնում է РИА Новости-ն։
«Մենք դեմ ենք մամուլի ներկայացուցիչների վրա ցանկացած հարձակումների», - ասել է Հակը մեկնաբանության խնդրանքին ի պատասխան:
Հակը նաև անդրադարձել է այսօր Մոսկվայի վրա Աթս-ներով հարձակմանը։
«Մենք ցանկանում ենք, որ բոլոր կողմերը խուսափեն գործողություններից, որոնք կհանգեցնեն հակամարտության սրման», - ասել է նա լրագրողներին ճեպազրույցում։
Հակը նաև կոչ է արել բոլոր կողմերին լրացուցիչ միջոցներ ձեռնարկել՝ կանխելու նման սրումը։
