Իսրայելի վարչապետը սրտի վիրահատությունից հետո դուրս է գրվել հիվանդանոցից
Իսրայելի վարչապետ Բենիամին Նեթանյահուն դուրս է գրվել Թել Ավիվի մերձակայքում գտնվող բժշկական կենտրոնից։ Նա այնտեղ էր տեղափոխվել սրտի ռիթմավարի սարքի (кардиостимулятор) տեղադրման նպատակով։ Այս մասին հայտնում է The Times of Israel-ը։
Ավելի վաղ հաղորդվել էր, որ Իսրայելի 73-ամյա վարչապետ Բենիամին Նեթանյահուն ենթարկվել է սրտի ռիթմավար սարքի տեղադրման վիրահատության, որն անցել է բարեհաջող, առանց բարդությունների։
Վիրահատությունն իրականացվել է այս գիշեր՝ հուլիսի 23-ին։ Այն բանից հետո, երբ բժիշկները նրա վիճակը լավ են գնահատել, վարչապետն էլ ասել է, որ իրեն հիանալի է զգում և նշել է, որ միանալու է դատաիրավական բարեփոխումների օրինագծերից մեկի պլանային քննարկմանը։
