Արցախի պետնախարարն անդրադարձել է ադրբեջանական կողմի այսօրվա կրակոցներին
Այսօր Ադրբեջանի զինված ուժերը ականանետ են կիրառել ԱՀ Ասկերանի շրջանի Սարուշեն համայնքի վարչական տարածքում գյուղի բնակչության համար հացահատիկ հավաքող կոմբայնի ուղղությամբ, որից հետո աշխատանքներն անմիջապես դադարեցվել են: Այս մասին ֆեյսբուքյան իր էջում գրել է Արցախի Հնարապետության պետնախարար Գուրգեն Ներսիսյանը:
«Ահա այն իրականությունը, որը պետք է տեսնեն միջազգային հանրությունը և Ադրբեջանի կազմում Արցախի ժողովրդի իրավունքների ու անվտանգության պաշտպանության շուրջ բանակցություններ վարողները»,-նշել է պետնախարարը:
Հիշեցնենք՝ հայտնել էինք, որ Ադրբեջանը կրակել է Սարուշեն գյուղի տարածքում աշխատող կոմբայնի ուղղությամբ
