Մոսկվայում ձերբակալել են Իգոր Ստրելկով-Գիրկինին
Ռուսաստանի մայրաքաղաք Մոսկվայում Իրավապահներն այսօր ձերբակալել են Իգոր Ստրելկով-Գիրկինին։ Այս մասին տեղեկանում ենք RBC-ից, որին հայտնել են իրավապահ մարմինների երկու աղբյուրներ:
Տեղեկությունը հասատատել է նաև Ստրելկովի կինը: Իրավապահները Ստրելկովին տնից տարել են կեսօրին մոտ։ Քննչական կոմիտեի աշխատակիցները նրա բնակարանում խուզարկություն են իրականացնում։ Նախնական տվյալներով՝ ձերբակալությունը կատարվել է Վագների կազմակերպության նախկին անդամի պահանջով։
Ստրելկովի գտնվելու վայրը հայտնի չէ, մեղադրանքն առաջադրվել է ծայրահեղականության հոդվածով:
Հիշեցնենք, որ Գիրկին Ստրելկովը Ռուսաստանի Անվտանգության Դաշնային ծառայության նախկին աշխատակից է, Դոնեցկում ներկայումս ակտիվ քաղաքական գոծիչ: Հաագայի դատարանի որոշմամբ նա ճանաչվել է 2014թ-ին մալազիական Boeing-ի կործանման և ինքնաթիռում գտնվող 298 մարդու մահվան մեղավորներից մեկը, ինչի համար Նիդեռլանդներում՝ հեռակա դատապարտվել է ցմահ ազատազրկման։
