Հայկական կողմը համաձայնություն է տվել․ Մոսկվայում կկայանա ԱԳ նախարարների հանդիպումը․ ԱԳՆ
Հայկական կողմը համաձայնություն է տվել Մոսկվայում արտգործնախարարների մակարդակով հանդիպման առաջարկին: Այս մասին հաստատել են Հայաստանի ԱԳՆ-ից։
Կառույցից նշել են, որ այլ մանրամասներ կհայտնեն լրացուցիչ:
Հիշեցնենք՝ այսօր Ադրբեջանի նախագահ Իլհամ Ալիևը հայտարարել է, որ առաջիկայում Մոսկվայում նախատեսված է Հայաստանի և Ադրբեջանի արտգործնախարարների մակարդակով բանակցությունների հերթական փուլը։
Նախօրեին էլ ՌԴ ԱԳՆ պաշտոնական ներկայացուցիչ Մարիա Զախարովան էր ասել, թե հնարավորություն կա Մոսկվայում Ադրբեջանի և Հայաստանի արտգործնախարարների հանդիպում կազմակերպելու համար։ Կոնկրետ ժամկետ, սակայն, չէր նշել։
Նշենք նաև, որ վերջին անգամ Միրզոյանն ու Բայրամովը Մոսկվայում հանդիպել են երկու ամիս առաջ։
