Էրդողանն ու Զելենսկին չնախատեսված բանակցություններ են վարել
Ուկրաինայի նախագահ Վլադիմիր Զելենսկին հայտարարել է, որ պատրաստվում է այսօր երեկոյան չնախատեսված բանակցություններ վարել Թուրքիայի առաջնորդ Ռեջեփ Թայիփ Էրդողանի հետ՝ քննարկելու պարենային անվտանգության հարցը։
«Այսօր երեկոյան ես նախատեսում եմ բանակցություններ վարել Թուրքիայի նախագահ Էրդողանի հետ՝ Սև ծովի տարածաշրջանը, պարենային անվտանգությունը և այլ կարևոր թեմաներ»,- ասել է նա Telegram-ում հրապարակված իր երեկոյան ելույթում։
Քիչ անց Էրդողանի գրասենյակից հայտնել են, որ հեռախոսազրույցը տեղի է ունեցել Զելենսկու խնդրանքով։ Պետությունների ղեկավարները մանրամասն քննարկել են սևծովյան հացահատիկային միջանցքի շուրջ համաձայնագրի երկարաձգման հարցը։ Էրդողանն իր հերթին վստահեցրել է իր գործընկերոջը, որ «Թուրքիան ակտիվ ջանքեր է գործադրում խաղաղություն հաստատելու համար»։
