ԱՄՆ-ն ու ՆԱՏՕ-ն Ռուսաստանին դրդում են երրորդ համաշխարհային պատերազմի․ ՌԴ դեսպան
ԱՄՆ-ն ու ՆԱՏՕ-ն իրենց գործողություններով աշխարհին մղում են դեպի երրորդ համաշխարհային պատերազմ՝ սադրելով Ռուսաստանին աշխարհի տարբեր ծայրերում։ Այս մասին հայտարարել է ԱՄՆ-ում ՌԴ դեսպան Անատոլի Անտոնովը։
«Ես այնպիսի զգացողություն ունեմ, որ Ամերիկայի Միացյալ Նահանգները և ՆԱՏՕ-ն աշխարհին մղում են պատերազմի: Նրանք հրահրում են մեզ», - ասել է դիվանագետը «Россия 24» հեռուստաալիքի եթերում:
«Եթե նայեք աշխարհի տարբեր շրջաններին, ապա կտեսնեք, որ մենք անընդհատ փորձության ենք ենթարկվում, թե ինչպես ենք արձագանքելու այս կամ այն սադրանքին», - ասել է նա։
