Թրամփը խելագարություն է անվանել ՆԱՏՕ-ին Ուկրաինայի անդամակցության մասին խոսակցությունները
Թրամփը խելագարություն է անվանել ՆԱՏՕ-ին Ուկրաինայի անդամակցության մասին խոսակցությունները: ԱՄՆ նախկին նախագահը նաև նախագահի գործող վարչակազմին համարում է ոչ կոմպետենտ, Ռուսաստանի հետ պատերազմ սանձազերծելու վտանգ ներկայացնող: Այս մասին հայտնում է Ria.ru-ն:
«Բայդենը չի կարող նույնիսկ բարձրանալ ինքնաթիռի թեքահարթակը և չի կարող երկու նախադասություն կազմել: Վերջին բանը, որ պետք է անի այս ոչ կոմպետենտ վարչակազմը, դա միջուկային զենք ունեցող Ռուսաստանի հետ պատերազմում ռիսկի դիմելն է»,- ասել Է Թրամփը:
Նա հավելել է, որ ամերիկյան զինանոցները, ինչպես գանձարանը, դատարկ են, իսկ ԱՄՆ-ն ամբողջովին նվաստացած է կոռումպացված և վարկաբեկված նախագահ Ջո Բայդենի իշխանության պատճառով:
Բացի այդ, նախկին նախագահը խոստացել է նախագահական ընտրություններում հաղթանակի դեպքում դադարեցնել ուկրաինական հակամարտությունը։
