Հրդեհ՝ Մարգարայի հայ-թուրքական անցակետում․ մանրամասներ

Արմավիրի մարզի Մեծամոր համայնքի Մարգարա վարչական շրջանում ՝ թուրքական սահմանի ապագա անցակետի շինարարության հատվածում հրդեհ է բռնկվել։ Հրդեհվել է Մարգարայի սիմվոլը համարվող, դեռևս 1960-ականներին կառուցված  սահմանապահ ուղեկալի դիտաշտարակը։

Դիտաշտարակի վրա արագիլի բույն է եղել․ այն վնասվել ու քանդվել է: Թե պատճառը ո՞րն է՝ եղել. քամին կամ էլ շինաշխատանքների պատճառով է վնասվել՝ հայտնի չէ։ Սակայն, բնի հատվածի մի մասն ընկել է դիտաշտարակի վրա ու երբ «բալգարկայով» գործ են արել, կայծ է բռնկվել ու ժամը 15.30- ի դրությամբ հրդեհ է բռնկվել։

ՀՀ ներքին գործերի նախարարության ԶԼՄ-ների հետ կապի, վերլուծության և լրատվության բաժնի պետ Զարզանդ Գաբրիելյանը Auroranews-ի հետ զրույցում հաստատեց հրդեհի առկայությունը։ 

«Ահազանգ է ստացվել, որ ուղեկալի վրա թռչնի բույն է վառվում։ 15.45-ին մեկնած խումբը կրակը մեկուսացրել է, իսկ այս պահին որքան հասկանում եմ, հրդեհաշիջման աշխատանքներ են տանում»,- ասաց Գաբիրելյանը։

Հիշեցնենք, որ Մարգարայի մոտակայքում ակտիվ շինարարություն է գնում, կառուցվում են շարժական մաքսակետեր։ Հին կառույցներին ձեռք չեն տվել, սակայն նորերը նոր թափով են կառուցվում։