Վագներականը սպանել է երկու վարձկանի, ովքեր հրաժարվել են աջակցել Պրիգոժինի ապստամբությանը․ ԶԼՄ

Վագներականը ձերբակալվել է իր երկու գործընկերների սպանության համար, ովքեր հրաժարվել են աջակցել Պրիգոժինի ապստամբությանը։ Այս մասին գրում է թելեգրամյան NEXTA.Լive ալիքը։ 

Նշվում է, որ ծնունդով Ղրղզստանից Յարոսլավ Շեխովցովը բերման է ենթարկվել երկու մարդու սպանության կասկածանքով, որոնց մարմինները հուլիսի 6-ին հայտնաբերվել են Վորոնեժի մարզի անտառային գոտում։ 

Նա հարցաքննության ժամանակ խոստովանել է, որ ծառայել է «Վագներ» մասնավոր ռազմական ընկերությունում և սպանել երկու վարձկանների՝ ապստամբությանը մասնակցելուց հրաժարվելու համար։

Հավելենք, որ ավելի վաղ Baza թելեգրամյան ալիքը հայտնել էր, որ Վորոնեժի մարզում զինվորական համազգեստով երկու մահացած տղամարդու դի է հայտնաբերվել։ Դիակների կողքին եղել է ՈՒԱԶ - «Բուխանկա» մեքենա, որի ներսում եղել է զենք-զինամթերք։