Գերմանիայի արտգործնախարարը ոճաբանի վրա ծախսում է օրական մոտ 9 հազար եվրո. Bild

Գերմանիայի արտաքին գործերի նախարար Աննալենա Բերբոքի ոճաբանի ծառայությունները դաշնային բյուջեին օրական արժենում են գրեթե ինը հազար եվրո։ Այս մասին հայտնում է գերմանական Bild թերթը։

Ըստ հրապարակման՝ 2022 թվականին Բերբոքը հարկատուների համար դարձել է կառավարության ամենաթանկարժեք նախարարը։ Նրա հետ կապված ծախսերը կազմել են 136 000 եվրո։

Թերթը պնդում է, որ «ֆեմինիստական ​​արտաքին քաղաքականության առաջամարտիկը» իր դիմահարդարին վճարել է օրական 8925 եվրո՝ ըստ հաստատված դրույքաչափի»։

Bild-ի փոխանցմամբ, միայն այս տարվա առաջին կիսամյակում Գերմանիայի դաշնային նախարարություններում վարսահարդարների, դիմահարդարների, կոսմետոլոգների և լուսանկարիչների ծառայության դիմաց ծախսերը կազմել են մոտ կես միլիոն եվրո։

Գերմանացի հայտնի սահմանադրական իրավաբան, պրոֆեսոր Քրիստիան Հիլգրուբերը բարձր ծախսերն անվանել է «իրավականորեն կասկածելի» և «քաղաքականապես տգեղ»:

Հարկ վճարողների ասոցիացիայի նախագահ Ռայներ Հոլցնագելն իր հերթին ասել է, որ դժվար է քաղաքացիներին փոխանցել, թե ինչու պետք է հարկեր վճարեն՝ քաղաքական գործիչների՝ դիմահարդարների և վարսահարդարների ծառայություններից օգտվելու համար։ Նա պաշտոնյաներին ու քաղաքական գործիչներին հորդորել է գեղեցկության համար վճարել սեփական գրպանից։