Սունդուկյան փողոցը՝ ամառվա շոգին
Նկարիչ Սուքիաս Թորոսյանը ֆեյսբուքյան իր էջում լուսանկար է հրապարակել՝ կից գրառմամբ. «Կներեք տհաճ լուսանկարի համար. միգուցե ընտրություններից առաջ այսպես են աշխատում: Սունդուկյան փողոցը՝ ամառվա շոգին»:
Հիշեցնենք, որ այսօր ավագանու նիստի ժամանակ փոխքաղաքապետ Տիգրան Ավինյանը ասել է, որ աղբահանություն իրականացնող մեքենաներից մի քանիսը փչացել են:
«Այն տեխնիկան որը ձեռք է բերվել, ենթադրվում է, որ պետք է 10 տարի ծառայեր, և այս փչանալու ցուցանիշը մեծ մտահոգությունների առիթ է տալիս, սա ահազանգ է, որ այս տեխնիկայով հեռու չենք գնալու: Մենք ունենք 4 հավելյալ մեքենա, որ պետք է դուրս գա փողոցներ»,- ասել է նա:
