ԵՊՀ պարզաբանումը՝ Գևորգ Պետրոսյանին աշխատանքից ազատելու վերաբերյալ․ ԶԼՄ
«Գևորգ Պետրոսյանին ուղարկվել է ազատման վերաբերյալ պատշաճ ծանուցում»։ Այս մասին Aysor.am-ի հետ զրույցում ասել է ԵՊՀ մամուլի պատասխանատու Քնար Միսակյանը։
«Գևորգ Պետրոսյանը ԵՊՀ-ում աշխատել է ժամավճարային հիմունքով դասախոս: Հունիսի 19-ին նրա համալսարանական էլհասցեին ուղարկվել է ազատման վերաբերյալ պատշաճ ծանուցում», - ասել է ԵՊՀ մամուլի պատասխանատու Քնար Միսակյանը։
Հարցին, թե որն է եղել պատճառը, հաշվի առնելով նաև այն, որ Պետրոսյանն աշխատանքային իրավունքի դոցենտն է՝ Միսակյանը պատասխանել է.
«Ամբիոնն է այդպես որոշել»։
Հիշեցնենք, որ ԱԺ նախկին պատգամավոր Գևորգ Պետրոսյանն այսօր ֆեյսբուքյան իր էջում գրել էր, որ ԵՊՀ-ն ազատել է իրեն աշխատանքից։
