Հինգ տարի անց ԱՄՆ-ն վերադարձել է ՅՈՒՆԵՍԿՕ
ԱՄՆ-ը պաշտոնապես վերադարձել է ՅՈՒՆԵՍԿՕ (ՄԱԿ-ի կրթական, գիտական և մշակութային կազմակերպություն) հինգ տարվա բացակայությունից հետո, երեքշաբթի օրը՝ հուլիսի 11-ին, հայտարարել է կազմակերպության գլխավոր տնօրեն Օդրի Ազուլեյը։
Նշենք, որ հունիսի սկզբին Միացյալ Նահանգները ՅՈՒՆԵՍԿՕ-ին ծանուցեց կրկին անդամ դառնալու իր որոշման մասին։ Անցյալ տարվա դեկտեմբերին ԱՄՆ Կոնգրեսը հաստատեց ՅՈՒՆԵՍԿՕ-ին ավելի քան 500 միլիոն դոլարի անդամավճարը՝ մարելու ԱՄՆ պարտքերն ու թույլ տալով երկրին կրկին միանալ կազմակերպությանը:
Հիշեցնենք, որ Պետքարտուղարությունը 2017 թվականին ՅՈՒՆԵՍԿՕ-ից իր դուրս գալը բացատրել է, որ Վաշինգտոնը նման քայլի է դիմել ՅՈՒՆԵՍԿՕ-ում աճող պարտքերի պատճառով, կազմակերպության հիմնարար բարեփոխման անհրաժեշտության և նրա շարունակվող հակաիսրայելական քաղաքականության պատճառով։ Որոշումն ուժի մեջ է մտել մեկ տարի անց։
