Ծեծկռտուք, հայհոյանքներ՝ Հյուսիսային պողոտայում․ 5 երիտասարդները բաժին են տեղափոխվել

Հյուսիսային պողոտայի հյուրանոցներից մեկի մոտ ծեծկռտուք է տեղի ունեցել։ Այս մասին հայտնել է ՆԳՆ ոստիկանության օպերատիվ կառավարման կենտրոն զանգած քաղաքացին։ Դեպքը եղել է հուլիսի 7-ին` ժամը 02.50-ին։ 

Ոստիկանության Կենտրոնական բաժնի օպերատիվ խումբը և ՊԾ Երևանի գնդի 4-րդ գումարտակի ծառայողները նշված հասցեում հայտնաբերել, խուլիգանություն կատարելու հիմնավոր կասկածով ձերբակալել և Կենտրոնական բաժին են տեղափոխել հինգ երիտասարդների: 

Պարզվել է, որ նրանք ժամը 02.50-ի սահմաններում Հյուսիսային պողոտայում, դիտավորյալ կերպով խախտելով հասարակական կարգը, փոխադարձ հարվածներ են հասցրել միմյանց և հնչեցրել սեռական բնույթի հայհոյանքներ:

Հայտնի է, որ երիտասարդները և կազմված փաստաթղթերը ներկայացվել են քննչական բաժին: