ՏԵՍԱՆՅՈՒԹ․ Մեքսիկական ծոցում նավթային հարթակում պայթյուն է տեղի ունեցել. կան տուժածներ
Մեքսիկական ծոցում մեքսիկական Pemex նավթագազային կորպորացիայի հարթակում բռնկված հրդեհի հետևանքով երկու մարդ է զոհվել, ևս 8-ը վիրավերվել, մեկ մարդ անհետ կորել է։ Այս մասին տեղեկանում ենք Nexta live թելեգրամյան ալիքից։ Մեքսիկական ծոցում այրվում է Pemex նավթագազային հարթակը։
Մեքսիկական ծոցում գտնվող մեքսիկական նավթագազային Pemex կորպորացիայի օֆշորային հարթակում ուժեղ հրդեհ է բռնկվել հուլիսի 7-ին։ Այս մասին հայտնել է Tribuna Campeche-ն։
«Nohoch Alfa հարթակի աշխատակիցները հայտնել են պայթյունի և հրդեհի մասին Cantarell արտադրական համալիրի Petroleos Mexicanos (Pemex) գործարանում: Զրուցակիցները վստահեցնում են, որ կրակը տեսանելի է մոտակա հարթակներից, միջադեպը համարվում է լուրջ», - ասվում է հրատարակության կայքում։
Նշենք, որ Pemex-ը դեռ պաշտոնական տեղեկություն չի տրամադրել միջադեպի մասին։
