ՏԵՍԱՆՅՈՒԹ․ Բողոքի ակցիա Թբիլիսիում․ հայտնի է՝ որն է պատճառը

Վրաստանի ոստիկանության աշխատակիցները բերման են ենթարկել Թբիլիսիում Pride փառատոնի անցկացման դեմ բողոքի ակցիայի մի քանի մասնակիցների։ Այս մասին, ինչպես տեղեկանում ենք Sputnik Georgia-ից, հայտնում է Formula հեռուստաալիքը։

Հայտնի է, որ Թբիլիսիում Pride փառատոնի մի քանի հարյուր հակառակորդներ հավաքվել են փառատոնի վայրի մոտ և ճեղքել ոստիկանական շղթան։

Հեռուստաալիքի տվյալներով՝ ձերբակալվածները բացահայտ վիրավորել են ոստիկաններին և փորձել հարձակվել լրագրողների վրա։ Ոստիկանության աշխատակիցները հաստատել են ձերբակալությունները, սակայն ձերբակալվածների թիվը չի նշվում։

Այս պահին իրավիճակը տեղում շարունակում է լարված մնալ։ Փառատոնի հակառակորդները հենց տեղում են: Նրանց ու փառատոնի կազմակերպիչներին բաժանում է ոստիկանական շղթա։

Նշվում է, որ փառատոնը Լիսի լճի մոտ փակ տարածքում կավարտվի հուլիսի 8-ին «Հպարտության շաբաթ» (Tbilisi Pride Week), որը կազմակերպում է ԼԳԲՏՔ+ համայնքին աջակցող «Թբիլիսյան հպարտություն» ՀԿ-ն։ Փառատոնի մեկնարկից մի քանի ժամ առաջ փառատոնի հակառակորդները տարբեր պահպանողական խմբերից Վաժա Փշավելայի հուշարձանից շարժվել են դեպի Լիսի լճի տարածք։ Կազմակերպիչների խոսքով՝ իրենց նպատակն է թույլ չտալ փառատոնի կայացումը։