Փաստաբանները պահանջում են ՀՀ ոստիկանապետի հրաժարականը. եռօրյա գործադուլ են սկսելու
Փաստաբանների բողոքի գործողությունները համարժեք արձագանք չեն ստացել։ Այս մասին ֆեյսբուքյան իր էջում գրում է փաստաբան Ռուբեն Մելիքյանը։
«Ուստի ձևակերպվում է ավելի կոշտ պահանջ՝ ՀՀ ոստիկանության պետ Արամ Հովհաննիսյանի հրաժարականը, և այդ պահանջով հայտարարվում է արդեն եռօրյա գործադուլ՝ հուլիսի 11-ից 13-ը»,-գրել է նա։
Նշենք, որ հունիսի 26-ին փաստաբանները մեկօրյա գործադուլ էին հայտարարել։ Պատճառը, ըստ նրանց, ոստիկանական բաժիններում փաստաբանների նկատմամբ բռնության դեպքերի ավելացումն է։
