Պրիգոժինին վերադարձրել են Շոյգուից նվեր ստացած Glock անվանական ատրճանակը

«Վագներ» մասնավոր ռազմական ընկերության հիմնադիր Եվգենի Պրիգոժինի տան խուզարկության արդյունքում հայտնաբերված զենքերը վերադարձվել են սեփականատիրոջը: Պրիգոժինը հետ է ստացել նաև Glock անվանական ատրճանակը, որը նվեր էր ստացել ՌԴ պաշտպանության նախարար Սերգեյ Շոյգուից: Այս մասին գրել է fontanka.ru-ն:

Հուլիսի 4-ին Պրիգոժինին վերադարձրել են երկու «Սայգա» կարաբին, ավստրիական Steyr Mannlicher հրացան, «Արկա» կիսաավտոմատ հրացան և ևս մի քանի հրացան և ատրճանակ։

Նշվում է, որ խուզարկությունն անցկացվել էր հունիսի 24-ին՝ Պրիգոժինի՝ Северный Версаль կոչվող էլիտար քոթեջային թաղամասում: