Կադիրովը խոստացել է հետաքննել լրագրող Միլաշինայի և փաստաբան Նեմովի վրա կատարված հարձակումը
Չեչնիայի ղեկավար Ռամզան Կադիրովն ասել է, որ իրավասու մարմիններին հանձնարարել է բոլոր ջանքերը գործադրել Չեչնիայում լրագրող Ելենա Միլաշինայի և փաստաբան Ալեքսանդր Նեմովի վրա հարձակման մեղավորներին գտնելու համար։
«Ես իրավասու ծառայություններին հանձնարարել եմ բոլոր ջանքերը գործադրել հարձակվողներին հայտնաբերելու համար»,- գրել է նա իր Telegram ալիքում։
Նա ընդգծել է, որ համապատասխան մարմիններն իրենց աշխատանքը սկսել են դեպքի մասին հայտնելուց անմիջապես հետո։
Ավելի վաղ հայտնել էինք, որ Չեչնիայում անհայտ անձինք ծեծի են ենթարկել փաստաբան Ալեքսանդր Նեմովին և «Նովայա գազետա»-ի լրագրող Ելենա Միլաշինային, ովքեր հանրապետություն էին եկել դատավարության մասնակցելու համար։
