ՀՀ-ում ԱՄՆ դեսպանի մեկնաբանությունը՝ Երասխում կառուցվող գործարանի տարածքում ՀՀ և ԱՄՆ դրոշների առկայությանը
Հայաստանում ԱՄՆ դեսպանը մեկնաբանել է Երասխում կառուցվող մետալուրգիական գործարանի տարածքում Հայաստանի և ԱՄՆ դրոշների բարձրացման առկայությունը։
«ԱՄՆ-ն կողմ չէ անդրսահմանային հրաձգությանը, որը կարող է վտանգել որևէ քաղաքացիական անձի։ Մենք հայտարարել ենք, որ լուրջ մտահոգություն ունենք այդ առումով։ Մենք կոչ ենք անում, որ զորքերը երկու կողմերից հայելաձև հետ քաշվեն, որպեսզի նվազի նման միջադեպերի հավանականությունը, և հույս ունենք, որ կողմերը կարող են համաձայնության հասնել դա անելու հարցում»,- այս մասին Հանրայինի եթերում ասել է նա։
Հիշեցնենք, որ Արարատի մարզի Երասխ համայնքում կառուցվող երկաթի ձուլման գործարանի տարածքում հունիսի 20-ին բարձրացվեցին Հայաստանի և Ամերիկայի Միացյալ Նահանգների դրոշները, որպեսզի այն զսպիչ գործոն դառնա Ադրբեջանի համար՝ գործարանի ուղղությամբ կրակոցները դադարեցնելու համար:
