Միջազգային դերակատարներից ոչ մեկ նախկինում չի ասել, որ է Ղարաբաղն Ադրբեջան է․ ադրբեջանագետ
Ադրբեջանագետ Տաթևիկ Հայրապետյանը ֆեյսբուքյան իր էջում մեջբերել է Ադրբեջանի նախագահ Իլհամ Ալիևի այսօր՝ հուլիսի 21-ին, օկուպացված Շուշիում կատարած հայտարարությւոնն ու գրել.
««Միջազգային դերակատարներից ոչ մեկ, որը հիմա ասում է Ղարաբաղն Ադրբեջան է, երբեք չեն ասել դա նախկինում, երբեք: Երբ խոսքը Ադրբեջանի մասին էր, նրանք ասում էին, որ մենք պետք է ընդունենք ինքնորոշման իրավունքը տարածքային ամբողջականության հետ միասին: Հիմա իրավիճակն այլ է...»,- նշել է Ալիևը՝ օկուպացված Շուշիում իր ելույթի ժամանակ:
Սա ի պատասխան Փաշինյանի ու նրան հարող շրջանակների այն թեզի, որ նախկինները ճանաչել են Արցախն Ադրբեջանի մաս ու ամբողջ աշխարհը միշտ ընդունել է, որ դա Ադրբեջանի մաս է: Ալիևը իր բերանով խոստովանում է, որ երբեք նման բան չի եղել, երբեք: Ստեղծված իրավիճակը Նիկոլ Փաշինյանի քաղաքականության հետևանք է...»:
