Լեհաստանն ԱՄՆ-ից գնում է 15 մլրդ դոլարի Patriot համակարգեր
Պենտագոնը հայտարարել է, որ Լեհաստանն ԱՄՆ-ից գնելու է մինչև 15 մլրդ դոլար արժողությամբ Patriot զենիթահրթիռային համակարգեր։
Պետդեպարտամենտը, որը վերահսկում է զենքի արտահանումը, հավանություն է տվել այդ գործարքին, ըստ որի Վարշավան կստանա ամենաառաջադեմ հակաօդային պաշտպանության համակարգերից մեկը:
«Պլանավորված գործարքը կբարելավի Լեհաստանի հակահրթիռային պաշտպանության կարողությունը և կօգնի հասնել Լեհաստանի ռազմական կարողությունների արդիականացման նպատակներին՝ միևնույն ժամանակ էլ ավելի կբարձրացնի փոխգործունակությունը ԱՄՆ-ի և այլ դաշնակիցների հետ», - ասվում է գործակալության հայտարարության մեջ:
Նշվում է, որ Patriot համակարգերն ապացուցել են, որ շատ արդյունավետ են Ուկրաինային ռուսական օդային հարձակումներից պաշտպանելու համար:
