Հայաստանը հրավեր չի ստացել՝ մասնակցելու Ուկրաինայի վերականգնման հարցով խորհրդաժողովին. ԱԳՆ
Լոնդոնում մեկնարկած երկօրյա միջազգային կոնֆերանսին՝ նվիրված Ուկրաինայի հետպատերազմյան վերականգնմանը Հայաստանից որևէ ներկայացուցիչ չի մասնակցել։ Այս մասին տեղեկանում ենք Radar Armenia-ից։
Կոնֆերանսը մեկնարկել էր հունիսի 21-ին, որին մասնակցել է նաև Ադրբեջանի ԱԳ նախարար Ջեյհուն Բայրամովը։
Radar Armenia-ն դիմել էր Հայաստանի ԱԳ նախարարություն՝ պարզելու, թե Հայաստանը հրավիրվե՞լ է Լոնդոնում կայացած այդ խորհրդաժողովին։ Եթե այո, ինչո՞ւ Հայաստանը չի մասնակցել։
Արտաքին գերատեսչությունից պատասխանել են, որ Ուկրաինայի վերականգնման հարցով խորհրդաժողովին Հայաստանը հրավեր չի ստացել։ «Հարցման մեջ նշված միջոցառմանը Հայաստանի մասնակցության վերաբերյալ հրավեր չի փոխանցվել»,- ասված է ԱԳՆ պատասխանում։
