«Ուկրաինան առաջխաղացում ունի առաջնագծի բոլոր հատվածներում». Զելենսկի

Ուկրաինայի նախագահ Վլադիմիր Զելենսկին հայտարարել է, որ ուկրաինական ուժերը առաջխաղացում ունեն առաջնագծի բոլոր հատվածներում։

«Մեր մարտիկները առաջ են շարժվել բոլոր ուղղություններով, և սա ուրախ օր է», - ասել է Զելենսկին երկուշաբթի երեկոյան՝ իր ամենօրյա ուղերձում։

Զելենսկու խոսքերը հաջորդել են Դոնեցկի շրջանի առաջնագիծ կատարած նրա այցին: Նա մեդալներ է շնորհել երկու մարտիկի և մի շարք օպերատիվ որոշումներ կայացրել, երբ հանդիպել է ուկրաինացի գեներալների հետ։