Մոսկվայում և Մոսկվայի մարզում չեղյալ է հայտարարվել հակաահաբեկչական գործողության ռեժիմը

ՌԴ Մոսկվայի քաղաքապետ Սերգեյ Սոբյանինը հայտարարել է, որ հակաահաբեկչական գործողության  ռեժիմի ներդրման հետ կապված բոլոր սահմանափակումները հանվել են։ 

ՌԴ Ազգային հակաահաբեկչական կոմիտեն հաստատել է, որ Մոսկվայում և Մոսկվայի մարզում չեղարկվել է հակաահաբեկչական գործողության իրավական ռեժիմը: Այս մասին գրում է kommersant.ru-ն:

Հիշեցնենք՝ սահմանափակումները մտցվել էին այն բանից հետո, երբ հունիսի 23-ի երեկոյան Եվգենի Պրիգոժինը «արդարության երթ» էր անցկացնում դեպի Մոսկվա, որը Ռուսաստանի իշխանությունները որակել էին որպես զինված ապստամբություն:Իրավիճակը հնարավոր է եղել կարգավորել հունիսի 24-ի գիշերը։ Ընկերության մարտիկները վերադարձել են դաշտային ճամբարներ։ Եվգենի Պրիգոժինը պետք է մեկնի Բելառուս: Ռուսաստանի իշխանությունները պարտավորվել են դադարեցնել Եվգենի Պրիգոժինի դեմ հարուցված քրեական գործը և քրեական հետապնդում չիրականացնել ապստամբության մասնակիցների նկատմամբ: