«Ինչո՞ւ պետք է սովորենք, աշխատենք». Իրանի նախագահի կինը ուսումն ու աշխատանքը «բռնություն» որակել է

Իրանի նախագահի տիկին Ջամելե-Սադաթ Ալամոլհոդան անվանել է «բռնության ձև», երբ կանայք սովորում և աշխատում են:

Նրա կարծիքով՝ երկրների բնակիչները չպետք է փորձեն նույնը լինել, ինչ տղամարդիկ, գրել  է Iran International-ը։ Իրանի առաջին տիկինը նշել է, որ երկրների կառավարությունները սեռական բռնության են ենթարկել կանանց՝ թույլ տալով նրանց աշխատել և սովորել «ազատության պատրվակով»։

«Մենք ուզում ենք, որ կանայք կին մնան, ինչո՞ւ պետք է տղամարդկանց պես լինենք, ինչո՞ւ պետք է սովորենք, աշխատենք կամ ապրենք տղամարդկանց պես, սա բռնության ձև է»,- ասել է նա։

Հիշեցնենք, որ անցյալ տարի Իրանում մահացել էր Մահսա Ամինի անունով մի աղջիկ։ Ոստիկանները նրան փողոցում բերման են ենթարկել հիջաբը ոչ ճիշտ կրելու համար և ծեծելով սպանել ոստիկանության բաժանմունքում։ Դրանից հետո Իրանում զանգվածային բողոքի ցույցեր են սկսվել։ Բողոքի ակցիաների ժամանակ կանայք այրել են իրենց հիջաբներն ու կտրել մազերը։