Հունգարիան հորդորել է գումար չծախսել միայն Ուկրաինայի վրա
Հունգարիան կարծում է, որ Ուկրաինային ռազմական և տնտեսական աջակցությունից բացի, ԵՄ-ն պետք է գումար հատկացնի բալկանյան երկրների եվրաինտեգրմանը աջակցելու համար։ Այս մասին Հունգարիայի վարչապետ Վիկտոր Օրբանը հայտարարել է Բոսնիա և Հերցեգովինայի ներկայացուցիչների հետ հանդիպմանը, փոխանցում է РИА Новости-ն։
«Մենք կարծում ենք, որ ինտեգրման համար ֆինանսավորումը պետք է տրամադրվի հիմա, այլ ոչ թե սպասել լիիրավ անդամակցությանը: Պետք է ընդլայնել զարգացման հիմնադրամների հասանելիությունը. ամբողջ գումարը չպետք է ուղղվի միայն Ուկրաինային, պետք է նաև ներդրումներ կատարվեն Բալկանների անվտանգության և զարգացման համար»,- հորդորել է քաղաքական գործիչը։
Հունգարիայի վարչապետի կարծիքով՝ բալկանյան երկրներից ԵՄ նոր անդամները կարող են եվրոպական ասոցացմանը «դինամիկա» հաղորդել։
