Արցախին սպասվում է Նախիջևանի ճակատագիրը․ Րաֆֆի Հովհաննիսյան
«Արցախին սպասվում է Նախիջևանի ճակատագիրը»։ Այս մասին «Ժառանգություն» կուսակցության հիմնադիր Րաֆֆի Հովհաննիսյանն ասել է այսօրվա ասուլիսի ժամանակ՝ անդրադառնալով Արցախում ստեղծված իրավիճակի ու Արցախի ապագայի վերաբերյալ ՀՀ վարչապետ Նիկոլ Փաշինյանի հայտարարություններին։
«Հայտարարում է, որ Արցախի մեր հայրենակիցներին սպառնում է ցեղասպանություն, բայց իր քայլերով բերում է ամբողջական պաշարում, մեր հայրենակիցների հանրապետությունը ճանաչում է Ադրբեջանի մաս, ուղարկում ցեղասպան Ադրբեջանի ծոցը՝ բանակցությունների, ինքը դառնում է ցեղասպանության մեխսակից, գործակից»,- ասել է նա:
Նրա խոսքով՝ սա ավելին է, քան դավաճանությունը:
«Արցախին սպասվում է Նախիջևանի ճակատագիրը: Արցախն ապրում է շատ կրիտիկական, կյանքին սպառնացող օրեր: Մենք պետք է ցնցենք հայոց ու միջազգային կարծիքը»,- նշել է Հովհաննիսյանը:
