ՏԵՍԱՆՅՈՒԹ. Վերին Լարսի 11 անցուղիները դարձել են 39. սա մեծ ու կարևոր փոփոխություն է. Մհեր Գրիգորյան

Հայաստանի փոխվարչապետ Մհեր Գրիգորյանը հայտարարել է, թե Վերին Լարսի անցուղիները 11-ից դարձել են 39․

 «Սա մեծ ու կարևոր փոփոխություն է: 2020-21թթ․ մեկ օրվա ընթացքում մեքենաների անցնելու ռեկորդը եղել է 300 բեռնատար, այսօր՝ 100, վերջին օրերին 1400 մեքենա է անցել երկու ուղղությամբ, որը շատ էական է։ Ընդ որում, միայն երեկ 409 ազատ անցուղի կար»,- ասել է  Գրիգորյանը՝ հավելելով։

Նա հիշեցրեց, որ Լարսի ռուսական հատվածում ոչ ստանդարտ չափերով բեռների համար կա մեկ անցուղի. 

«Մեկ անցուղին կարող էր ամբողջ օրը զբաղված լինել»,- ասաց նա։ Ըստ Գրիգորյանի՝ անկախ այն հանգամանքից, որ աշխարհում գլոբալ լոգիստիկ վերադասավորումներ են եղել, սա լուծում է, որ հայկական բեռների համար որևէ խոչընդոտ չպետք է առաջացնի։

Վարչապետ Նիկոլ Փաշինյանն էլ շնորհակալություն է հայտնել ՌԴ նախագահ Վլադիմիր Պուտինին, Ռուսաստանի ու Վրաստանի վարչապետներին՝ Վերին Լարսի հետ կապված խնդիրները լուծելու համար

Ըստ Փաշինյանի՝ այդ կետի աշխատանքի բարելավումը մշտապես եղել է Ռուսաստանի նախագահի, ինչպես նաև Միխայիլ Միշուստինի և Իրակլի Ղարիբաշվիլիի հետ իր բանակցությունների օրակարգում։ Ըստ նրա՝ վերջին շրջանում ռուս գործընկերների հետ երկարատև բանակցություններն արդյունք են տվել։ Սա կարագացնի գործընթացները վերջին գլոբալ լոգիստիկ փոփոխությունների շրջանակներում: